Deputetja e Lidhjes Demokratike të Kosovës, Hykmete Bajrami ka reaguar pasi platforma e-Kosova për subvencionimin e teksteve shkollore, nuk po funksionon.
Bajrami këtë situatë e ka cilësuar si “dështim total e kaos”
Derisa ka thënë se dorëheqja nuk mjafton.
“e-𝐊𝐨𝐬𝐨𝐯𝐚 jashtë funksioni, Disa prindër i kanë llogaritë bankare të bllokuara, Çmimi i librave ende nuk dihet, Prindërit ende nuk e dinë se me çfarë librave dë të punojnë mësimdhënësit, Prindërit nesër kur të shkojnë në librari nuk do t’i gjejnë të gjitha librat, sepse shtepitë botuese ende nuk e kanë idenë e kërkesës, Disa komuna s’kanë librari fare dhe prindërit do të dëtyrohen të lënë punën e të udhëtojnë për t’i blerë librat dhe atë sigurt jo vetëm njëherë, Siç u konfirmua krejt kjo padituri buxhetit do t’i kushtoj me miliona euro më shumë e fëmijeve do të ju kushtoj me mijëra orë të humbura, Dështim total, kaos e çka jo tjetër! Dorëheqja nuk mjafton!”, ka shkruar Bajrami në Facebook.
Ndryshe në platformën e-Kosova sot është publikuar linku në të cilin prindërit mund të aplikojnë për subvencionim të teksteve shkollore për fëmijët nga klasa 1- 5 dhe 6 -9.
Por përkundër kësaj prindër të shumtë janë ankuar se nuk kanë mundur të aplikojnë për shkak se sipas tyre, faqja nuk po funksionon./teve1.info./