Zëdhënësi i PDK-së, Faton Abdullahu ka thënë se nuk do të duhej t’i referohej me ‘O bir’ kryeministrit Albin Kurti, siç bëri mbrëmë në një televizion.
Abdullahu thotë se ky etiketim është pak kolegial e përkëdhelës.
Megjithatë sipas Abdullahut Kurti është një ‘barmen politik’.
“- O ‘Barmen Politik’ që ofron ‘koktej aferash korruptive’ më të rejat në qytet”, ka shkruar Abdullahu.
Po ashtu ai e ka quajtur kryeministrin edhe ‘bukëpërmys’.
“- O bukpërmys që mendon se me ty filloj e drejta dhe drejtësia e nuk e sheh se para teje u bo shteti dhe demokracia”.
Njëra prej etiketimeve tjera ka qenë edhe ‘hakubet’.
“-O hakubet në politikë që për dy vjet i ke trem e kanë ik 120 mijë qytetarë nga Kosova”, ka shkruar tutje.
