Ministri i Shëndetësisë, Arben Vitia bën të ditur se ka kërkuar që të kontrollohet çdo hap i procesit të licencimit ndaj ordinancës në Malishevë, ku pas pas mjekimit për dhëmb, një 35-vjeçare u dërgua pa shenja jete në QKUK.
Vitia ka theksuar se ky rast nuk do kalojë në heshtje, përcjell teve1.info
“Jemi të gjithë të tronditur dhe të pikëlluar nga vdekja e gruas 35 vjeçare në Malishevë teksa priste të mjekohej. Ky rast tragjik shënon një moment vendimtar për ndalimin e pandëshkueshmërisë dhe papërgjegjshmërisë në praktikat e licencimit. Kam kërkuar me gjithë fuqinë që më jep ligji që të kontrollohet çdo hap e veprim i komisionit vlerësues që i paraprinë licencimit. Dhe çdo procedurë. Ndaj përgjegjësve, do të ketë masa. Në rast të evidentimit të shkeljeve penale ato do të procedohen menjëherë në organet e drejtësisë. Ky rast nuk do të kalojë as në heshtje dhe as nuk do të tretet në harresë”, ka shkruar ai në Facebook.
Vitia po ashtu i ka shprehur ngushëllime familjarëve të viktimës.
Një 35-vjeçare në Malishevë kishte shkuar për ta hequr dhëmbin në ordinancë private në Malishevë, ku më pas i ishte keqësuar gjendja dhe në QKUK ishte dërguar pa shenja jete. /Teve1.info/
