Kanë vazhduar takimet në ditën e dytë në Athinë të Greqisë, me ftes të kryeministrit grek Kyriakos Mitsotakis.
Ashtu siç ishte e paraparë me agjendën dyditore, kryeministri i Kosovës Albin Kurti, rreth orës 10:45 të martën zhvilloi një takim dypalësh me homologun e tij grek.
Në njoftimin e qeverisë greke për këtë takim, ndër të tjera thuhet se thuhet se kryeministrat kanë biseduar për bashkëpunimin ekonomik si dhe për rëndësinë që Greqia i kushton dialogut Kosovë – Serbi.
Se është diskutuar për bashkëpunimin ekonomik dhe dialogun me Serbinë u tha edhe në komunikatën e Qeverisë së Kosovës, ku ndër të tjera u njoftua që Kurti e ka ftuar për vizitë në Kosovë, homologun e tij grek.
“Biseduan edhe për dialogun në Bruksel dhe bashkëpunimin rajonal. Kryeministri Kurti tha që tashmë kemi marrëveshje porse nevojitet zbatimi i plotë i saj dhe pa kushtëzime. Kryeministri Kurti e ftoi Kryeministrin Mitsotakis për vizitë dhe për më shumë investime në Kosovë. Shkëmbimi tregtar me Greqinë vitin e kaluar ishte 308 milionë euro, një rritje prej mbi 40% apo afër 100 milionë euro krahasuar me 2021”, thuhet në njoftimin e Qeverisë.
Pjesa kryesore e këtij takimi ishte darka jo formale e cila u mbajt mbrëmjen e së hënës, me ftes të kreut grek e ky morën pjesë, liderët e Ballkanit Perëndimor si dhe Presidentja e Komisionit Evropian, Ursula von der Leyen, Presidenti i Këshillit Evropian, Charles Michel, Presidenti i Ukrainës, Volodymyr Zelenskyy, Kryeministri i Kroacisë, Andrej Plenkovic, Kryeministri i Rumanisë Marcel Ciolacu, Kryeministri i Bullgarisë Nikolai Denkov, dhe presidentja e Moldavisë, Maia Sandu. zhvilluar mbrëmjen e së hënës, në darkën joformale.
Pjesëmarrësit e takimit në fund miratuan një deklaratë prej tetë pikave, ku mes të tjerave theksuan se kanë mbështetje të palëkundur për pavarësinë, sovranitetin dhe integritetin territorial të Ukrainës brenda kufijve të saj të njohur ndërkombëtarisht, bazuar në vlerat e demokracisë dhe sundimit të ligjit përballë agresionit rus.
Vëmendjen kryesore të takimit e mori presidenti ukrainas, Volodymyr Zelenskyy, i cili pati një sërë tanishme në Athinë, ai përveç kryeministrit grek, u takua edhe me presidentin e Malit të Zi, Jakov Milatović, kryeministrin e Maqedonisë së Veriut, Dimitar Kovačevski, presidenten e Moldavisë, Maia Sandu, kryeministrin kroat Andrej Plenković, presidentin serb Aleksandër Vuciq, etj.
Takimet e tjera bilaterale po ashtu ishin të shumta, në mesin e të cilave edhe ato të Presidentes së Komisionit Evropian, Ursula von der Leyen e cila u takua edhe me kryeministrin e Kosovës Albin Kurtin dhe presidentin serb Aleksandar Vuciq. Nga liderët e Kosovës dhe Serbisë, presidentja e komisionit evropian kërkoi shtensionim të situatës në veri të Kosovës, zbatim të marrëveshjeve të arritura në dialog dhe po ashtu për nevojën që Ballkani Perëndimor të përafrohet me Bashkimin Evropian. Kurti në njoftimin e këtij takimi tha se është e rëndësishme që marrëveshja bazë të zbatohet e plotë dhe pa parakushte.
Në anën tjetër presidenti serb Aleksandër Vuçiq, ka vazhduar me avazin e njëjtë të lobimit kundër Kosovës, në njoftimet që ka pasur nga Athina, ai ka deklaruar se Ukraina dhe Greqia nuk do të ndryshojnë qëndrimet e tyre në raport me Kosovën dhe nuk do ta njohin pavarësinë e saj.
