Objekti i ish-gjimnazit “Ismail Qemali” në Ferizaj ka hyrë në fazën e fundit të restaurimit, pas zjarrit që e përfshiu gjatë muajit mars.
Kështu ka bërë të ditur, ministri i Kulturës, Hajrulla Çeku, i cili ka theksuar se trashëgimia kulturore do të trajtohet me prioritet, përcjell teve1.info
“Pas vetëm katër muajsh nga zjarrvënia shkatërruese në shkollën historike shqipe “Ismail Qemali” në Ferizaj, objekti ka hyrë në fazën e fundit të restaurimit. Angazhim i parreshtur institucional, trajtim me prioritet e efikas ndaj trashëgimisë kulturore”, ka shkruar ai në Facebook.
Ish-gjimnazi i parë në Ferizaj “Ismail Qemali” i njohur si “Gjimnazi i Vjetër” ishte përfshirë nga një zjarr masiv në javën e dytë të muajit mars të këtij viti, duke shkaktuar dëme të mëdha në gjithë objektin.
Policia e Kosovës kishte njoftuar se shkolla ka qenë jofunksionale. /Teve1.info/