Një person është lënduar rëndë pas një përleshje mes shtatë personave në një kafiteri në fshatin Vitomericë të Pejës.
I lënduari është duke u trajtuar në Spitalin Rajonal në Repartin e Kirurgjisë, ka bërë të ditur për teve1.info, zëdhënësi i Policisë së Kosovës për rajonin e Pejës, Fadil Gashi.
Përleshja ka ndodhur mbrëmë në orët e vona, ku shtatë personat e përshirë në ngjarje janë ndaluar për 48 orë.
“Mbrëmë rreth orës 23:30 policia është njoftuar se në fshatin Vitomericë, në një kafiteri ka ndodhur një përleshje. Policia menjëherë ka dalur në vendin e ngjarjes. Në këtë përleshje kanë qenë të pëfshirë 7 persona, ku njëri prej tyre ka pësuar lëndime të rënda dhe është duke u trajtuar në spitalin rajonal në repartin e kirurgjisë. Të tjerët me urdhër të prokurorit janë ndaluar për 48 orë”, tha Gashi./teve1.info/
