Ballkani zhvillon sonte ndeshjen e kthimit në kuadër të kualifikueseve për Conferencë Ligë përballë ekipit nga Gjiblartari, Lincold Red Imps. Në ndeshjen e parë, skuadra e Ilir Dajës, arriti fitore me rezultat të pastërt 2-0, duke shënuar dyherë brenda tre minutave në pjesën e dytë me anë të Korenicës dhe Lorenc Trashit. Mesfushori në formë, Meriton Korenica, në një intervistë të shkruar për Tëvë1, ka thënë se janë të përgatitur maksimalisht për këtë takim dhe kërkojnë kualifikimin.
“Jemi përgatitur maksimalisht për ndeshje, të gjithe grupi jemi gati për të vazhduar tutje.
Edhe pse e kemi rezultatin në favorin tonë, ne do të vazhdojmë për të bërë më të mirën të kualifikohemi. Besoj se 50% të punës e kemi kry në Prishtine, na ka mbetur edhe 50% tjetër dhe të shkojmë në play-off”.
Ballkani javë më parë mbeti pa sulmuesin kryesor, Albion Rrahmanin i cili iu bashkua ekipit rumun, Rapid Bukuresht. Korenica pohon se ai ka qenë një futbollist i mirë, megjithatë, sipas tij skuadra arrin ta mbulojë boshllëkun e lënë.
“Albioni është një lojtar shumë i mirë dhe i dëshiroj shumë suksese, ishte lojtar që na ka ndihmuar shumë, por ne kemi shumë futbollsitë në ekip dhe jemi shumë të bashkuar për t’i ndihmuar njëri tjetrit, të gjithë e japin maksimumin për formacion dhe të gjithë janë gati për të bërë më të mirën”
Ndeshja zhvillohet në “Viktoria Stadium”të Gjiblartarit me fillim nga ora 18:00, ndërsa drejtësinë do ta ndajë gjyqtari Kristoffer Hagenes nga Norvegjia.
