Prokuroria Themelore në Mitrovicë – Departamenti i Krimeve të Rënda, ka karkatur caktimin e masës së paraburgimit ndaj E.A nga fshati Vajnikë i Skenderajt, të cilit policia i ka gjetur dhe konfiskuar mbi 59 kg marihunaë.
Në komunikatën e Prokurorisë Themelore të Mitrovicës thuhet se i dyshuari ka kryer veprën penale “Blerja, posedimi, shpërndarja dhe shitja e paautorizuar narkotikeve substancave psikotrope apo analoge“ nga neni 267 paragrafi 1 lidhur me nenin 275 paragrafi 1 pika 1.9 të KPRK-së.
“Ekziston dyshimi i bazuar se i dyshuari E.A.,prej datës të pacaktuar e deri me datë 15.08.2023 në fshatin Vajnikë – komuna e Skenderajt, në shtëpi dhe objektet përcjellëse,me qëllim shitje apo shpërndarje,pa autorizim ka poseduar substanca narkotike të llojit marihuanë,me peshë të tërësishme prej 59 kilogramë e 973 gramë”, thuhet në komunikatë
Seanca për shqyrtimin e masës së paraburgimit do të mbahet të mërkurën.
E.A, është arrestuar martën ka njoftuar Policia e Kosovës./teve1.info/
