Juristja e së drejtës së medieve, Flutura Kusari, ka reaguar për sulmin ndaj gazetarëve të Nacionales në Prizren, raporton teve1.info
Kusari përmes një statusi në Facebook, ka shkruar se kriminelët duhet të arrestohen menjëherë, derisa ka thënë se pa rritje të dënimeve për sulme online nga pushtetarët, profesioni i gazetarit do të përkeqësohet me shpejtësi.
“Gazetari i Nacionales Vullnet Krasniqi dhe kameramani janë sulmuar fizikisht nga disa persona në Prizren derisa po bëheshin gati të raportojnë protestën kundër Dokufest, ngjarjes më të rëndësishme dhe më të mrekullueshme kulturore që ka Kosova.
Kriminelët duhet të arrestohen menjëherë. Për çdo minutë që ata nuk janë në paraburgim, mesazhi është msyjani gazetarëve se nuk keni pasoja.
Pa u rritë dënimet për sulme online dhe fizike ndaj gazetarëve dhe pa u ndal denigrimi verbal i gazetarëve nga njerëzit e veshur me pushtet politik, fetar apo financiar, të bërit gazetari do të vazhdojë të përkeqësohet më shpejtësi.
Ky është sulmi i 54 ndaj gazetarëve dhe kameramanëve ketë vit, sipas faqes së AGK-së. Në vitin 2020, Kosova kishte regjistruar 24 sulme”, thuhet në reagimin e Kusarit.