Është sulmuar fizikisht ekipi i gazetarëve të gazetës online “Nacionale”, gjatë raportimit në protestën kundër festivalit të filmit “DokuFest” në Prizren, raporton teve1.info
Protesta ishte organizuar të mbahet pas xhumasë në Prizren me fillim nga ora 14:00 në kundërshtim ndaj DokuFestit.
Gazetari i Nacionales, Vullnet Krasniqi dhe kameramani janë sulmuar fizikisht nga disa persona. Krasniqi ka informuar redaksinë e Nacionales se përveç sulmit ndaj ekipit në terren, janë goditur edhe kamera dhe mikrofoni i Nacionales.
