Administrata Tatimore e Kosovës e ka rritur inkasimin e mjeteve gjatë vitit 2023 për gati 79 milionë euro më shumë se në vitin paraprak, raporton teve1.info
Sipas një komunikate për medie të ATK-së, një gjë e tillë është realizuar përmes planit të të hyrave i cili fokusohet në qëllimet strategjike si: përmirësimi i mbledhjes së të hyrave dhe zvogëlimi i hendekut tatimor.
“Në periudhën janar – korrik/2023, të hyrat e grumbulluara janë 514.8 milionë euro, nëse i krahasojmë me periudhën e njëjtë të vitit 2022, kemi rritje mbi 78.9 milionë euro më shumë apo 18.1%.
ATK falënderon të gjithë tatimpaguesit, të cilët i kryejnë saktë dhe me kohë obligimet tatimore dhe njofton tatimpaguesit jo përmbushës se do të merren të gjitha veprimet ligjore për mos pagesë të tatimit, siç parashihet me dispozita ligjore”, thuhet në komunikatë.