Qendra e përfaqësueses së Kosovës në basketboll, Dardan Kapiti, karrierën do ta vazhdojë te Trepça. Kapiti të dielën është prezantuar nga klubi mitrovicas. Kapiti deri më tani ishte në SHBA.
Fillimisht ishte te Florida Atlantic University e në edicionin e fundit tek Eastern Kentucky University.
Është pritur që të vazhdojë edhe një vit te ky universitet, por pranoi ofertën e Trepçës. Kapiti së fundi u paraqit për Kosovën në parakualifikimet për Eurobasket 2025.
