Kryetari i AAK-së, Ramush Haradinaj, ka kërkuar që Ligji për Kryeqytetin të filloj së zbatuari Ligji për Kryeqytetin i cili i jep mundësi krijimit të Policisë së Kryeqytetit, raporton teve1.info
Përmes një statusi në Facebook, Haradinaj ka shkruar se ngjarja e ndodhur të premten në mbrëmje në një lokal në Prishtinë është me përmasa shqetësuese e pasoja të rënda.
Haradinaj ka kërkuar nga organet e rendit për dënimin e fajtorëve të rastit.
“Kur është miratuar Ligji për Kryeqytetin, njëra prej pjesëve më të rëndësishme të tij, ka qenë krijimi i Policisë së Kryeqytetit. Ngjarja tragjike e natës së mbrëmshme në një lokal në Prishtinë, me përmasa shqetësuese e pasoja të rënda, shumëfish e shtron nevojën e zbatimit të këtij Ligji dhe krijimin e Policisë së Kryeqytetit.
Organet e rendit dhe ligjit të ndërmarrin të gjitha masat për ndëshkimin e fajtorëve të kësaj ngjarjeje të rëndë, por si hap i parë i parandalimit të rasteve të tjera të ngjashme, që edhe mund të përsëriten, është krijimi i menjëhershëm i Policisë së Kryeqytetit!”, thuhet në komunikatë.
