Rruga “Enver Zymberi” dhe ajo “Rinia” në Prishtinë do të mbyllen për qarkullim duke filluar nga ora 7:00 e ditës së shtunë deri të dielën në orën e njëjtë, për shkak të duelit në mes të boksierit Robin Krasniqi dhe Nadjib Mohammedi, raporton teve1.info
Sipas njoftimit të Komunës së Prishtinës, kërkohet po ashtu largimi i veturave nga parkingjet përreth stadiumit “Fadil Vokrri”.
“Dueli i madh në mes të Robin Krasniqi dhe Nadjib Mohammedi do të zhvillohet nesër.
Me këtë rast ju njoftojmë se rruga “Enver Zymberi” dhe rruga “Rinia” do të mbyllen përkohësisht për qarkullim, nga ora 07:00, ditën e shtunë deri në orën 07:00 ditën e diel.
Ky duel transmetohet në Tëvë1 dhe Telkos.
Kërkojmë mirëkuptimin e qytetarëve për largimin e veturave nga parkingjet përreth stadiumit “Fadil Vokrri””, thuhet në njoftim.