I ftuar në “Herët” në Tëvë 1, Zuka theksoi se ka shumë elemente pse vjen deri tek ky imponim.
“Realisht neve gastronomëve na imponohet kjo rritje, edhe pse është tu ndodh, është dashtë me ndodh pak ma herët, por kanë rezistu sado pak gastronomët, sepse realisht nuk kanë qenë të interesuar me i rrit, por vjen si imponim sepse ka rritje të çmimeve edhe në furnizim, edhe në import, në gjithçka. Çdo javë, çdo furnitor vjen edhe të tregon që prej javës tjetër ky produkt ose ai produkt ka me u rrit në çmim. Kështu që unë mendoj se mirë nuk është, sigurisht që nuk është mirë, mirëpo duhet sepse kemi një rritje të pagave së pari të punëtorëve, plus asaj jemi tu dalë prej një krize të pandemisë. Ka shumë elemente pse vjen deri te kjo”, tha ai.
Gastronomi Zuka shtoi se edhe rritja e çmimeve e ka një limit dhe sipas tij kjo rritje nuk po ndodh në të gjitha lokalet.
“Kjo e ka një farë limit të vetin, edhe rritja, por nuk e po shoh që po ndodh në krejt lokalet. Ka lokale që nuk janë tu i mbajt, kjo është rezistencë realisht. Por s’kanë me pas qare edhe cilido lokal tjetër që nuk është tu i rrit qitash. Kështu që kjo është realiteti”, shtoi ai.
Zuka theksoi se klientët nuk po e presin mirë këto ndryshime në çmime, por po e kuptojnë këtë për shkak të rritjes së çmimeve edhe në produktet elementare.
“Nuk priten mirë, po menoj që edhe klientat veç janë tu e kuptu sepse ata në produkte elementare që duhet me i ble për shtëpi, ka rritje, le më nëse flasim për produkte që janë kafja ose lëngjet ose çkado tjetër. Kështu që mirë nuk po e presin, mirëpo po e kuptojnë realitetin. E kjo është vetëm një lehtësim për gastronomët, sepse gastronomët e kanë më problem rritjen”, theksoi Veton Zuka nga Shoqata e Gastronomëve. /Teve1.info/
