Analistja politike, Arta Tahiri-Beqa, vlerësoi se në momentin kur të mbahen zgjedhjet e reja në komunat veriore të Kosovës do të hiqen edhe masat ndëshkuese nga Bashkimi Evropian.
Duke diskutuar rreth mosshfuqizimit të masave të BE-së ndaj Kosovës, Tahiri-Beqa tha se tanimë duhet të vazhdohet me dialogun dhe marrëveshjen e Brukselit, shkruan teve1.info.
“Në momentin që do të hapet data e zgjedhjeve të jashtëzakonshme në Mitrovicën e Veriut, atëherë do të hiqen edhe masat. Këto masa duhet të tërhiqen, duhet të vazhdohet me dialogun dhe marrëveshjen e Brukselit. Kosovën tani po e shoh më përpara në lidhje me planin. Kushdo që mendon se do të ketë marrëveshje përfundimtare mes Kosovës dhe Serbisë, është një iluzion i tepruar”, deklaroi Tahiri-Beqa në emisionin “Këndi i Debatit” në Tëvë1.
Kujtojmë që zëvendëskryeministri i Kosovës, Besnik Bislimi, në një takim me gazetarë në Prishtinë ka thënë se Kosova nuk duhet të shpallë zgjedhjet në komunat veriore pa u hequr masat ndëshkuese të vendosura nga Bashkimi Evropian./teve1.info/.
