Para pak vjetësh e dekoroi me medalje për kontributin e tij në luftë.
Por tash për Ramush Haradinajn, Rrustem Mustafa është veç një turist i Ushtrisë Çlirimtare të Kosovës.
Bile thotë se Remi ka qenë pjesë e luftës vetëm tri javë.
E për këtë ani se nuk ia përmendi emrin, ish drejtuesi i UÇK-së në Llap.
Gjithë kjo për Rrustem Mustafën është tendencë për vëmendje.
Bedri Llapashtica, ish pjesëtar i UÇK-së në Zonën e Llapit, përveç që e kishte komandant për shumë vite, e përkujton edhe një sakrificë të Komandant Remit.
Pretendimet e tij po i konfirmon edhe një pjesëtar tjetër i luftës së UÇK-së në Podujevë.
Se Mustafa ka qenë pjesë e luftës qysh në fillet e saj e thonë edhe llapjanët.
Për dikë vetë dënimi i tij paslufte nën akuza për periudhën e luftës, dëshmon se ish-komandanti i Zonës së Llapit, nuk ka qenë vetëm tri javë në frontet e luftës.
Reagime të tjera pati nga fytyrat publike në Kosovë.
Dikush e akuzoi Haradinajn për deklaratën e pati edhe të tjerë që e arsyetuan atë.