Ulësen e kryeministrit e zuri të hënën.
Por, Hilmie Sadiku nga Finlanda nuk është pjesë e kabinetit qeveritar.
Pavarësisht kësaj, qëndrimin në karrigen më më peshë vendit, thotë se e kishte ëndërr.
E gjitha kjo thotë se vjen nga një lidhje që familja e saj e ka me kryeministrin e Kosovës, Albin Kurti.
“Për Albin Kurtin për herë të parë kam dëgjuar kur ka qenë në burgun e Pozharevcit, aty ka qenë edhe vëllai i madhi, Beqir Gashi, ai tregon për torturat dhe të rrahurat. Gjatë kohës kur u lirua vëllai, baba i Albinit ka ardh veç me pyet a është gjallë Albini”, tha Sadiku.
Sadiku të hënën pati rastin të hyjë në Kuvendin e Kosovës.
Kjo pasi këta të fundit edhe këtë vit hapën dyert për mërgimtarët që duan ta shohin nga afër sallën plenare.
Për deputetët që ulën këtu, kanë edhe një porosi.
“Sa më të bashkuar…”, tha ajo.
E për disa mërgimtarë të tjerë, salla e kuvendit duket më ndryshe se ajo që e ndjekin përmes ekranit.
“Në televizor mu ka duk më i madh Kuvendi, kështu nuk qenka edhe aq i madh, por më rëndësi që (deputetët) e kryejnë punën e vet”, u shpreh Shaip Jashari, mërgimtar nga Gjermania.
Mërgimtarët në Kuvend u priten nga disa deputetë.
Këta treguan edhe për kërkesat e kosovarëve që jetojnë në mërgim.
“Ishin që të vazhdojmë me punën që kemi filluar, me projektet që i kemi premtuar gjatë fushatës dhe impletimin e programit qeverisës”, th deputeti i Vetëvendosjes, Enver Dugolli.
Ndërkohë, ulëset e kabinetit qeveritar dhe kryesisë së Kuvendit, duket se ishin më të preferuara, sesa ato të deputetëve.
E për punën këtu, shumë prej tyre u njoftuan edhe nga afër.
E shumë prej tyre u kujdesen që kjo vizite, të mos harrohet.
Aktiviteti “Bashkatdhetarët në Kuvend” do të vazhdojë edhe të martën.
