Ministrja e Drejtësisë, Albulena Haxhiu ka pritur sot në takim shefin e ri të EULEX-it, Giovanni Pietro Barbano.
Haxhiu bëri të ditur se e ka uruar Barbanon për detyrën e re, teksa tha se e ka njoftuar edhe me iniciativat në të cilat është duke punuar Ministria e Drejtësisë.
Tutje Haxhiu shtoi se me shefin e ri të EULEX-it u pajtuan për mbështetje dhe fuqizim të bashkëpunimit.
“Sot prita në takim shefin e ri të EULEX-it, Giovanni Pietro Barbano. E urova për detyrën, e njoftova me iniciativat në të cilat është duke punuar Ministria e Drejtësisë dhe u pajtuam për mbështetje dhe fuqizim të bashkëpunimit”, tha Haxhiu./teve1.info./