Tre persona kanë pësuar lëndime trupore si pasojë e një aksidenti që ka ndodhur mëngjesin e sotëm në lagjen “Ulpiana”, në Prishtinë.
Lajmin për teve1.info e ka konfirmuar zëdhënësja e Policisë së Kosovës për rajonin e Prishtinës, Flora Ahmeti, e cila tha se në aksident janë përfshirë dy vetura.
Gjithashtu, Ahmeti bëri të ditur se me rastin po merret njësiti i trafikut.
“Rreth orës 10:00, në lagjen ‘Ulpiana” në Prishtinë, ka ndodhur një aksident trafiku me lëndime. Në këtë aksident kanë qenë të përfshira dy automjete. Si pasojë e aksidentit lëndime trupore kanë pësuar tre persona. Me rastin po merret njësiti i trafikut”, tha ajo./teve1.info/
