Kryetari i AAK-së, Ramush Haradinaj, ka kërkuar nga partitë opozitare që ta mbështesin mocionin e kësaj partie për rrëzimin e Qeverisë Kurti, raporton teve1.info
Përmes një statusi në Facebook, Haradinaj ka shkruar se kërkese e të gjitha partive opozitare është dalja nga kjo gjendje, vetëm se rrugët janë të ndryshme.
Ai ka pyetur nëse ka rrugë të tretë për largimin e qeverisjes aktuale nga pushteti, derisa ka thënë se dorëheqjen e Kurtit nuk e sheh si opsion.
“Sot është shtuar numri i atyre që besojnë që Kurti dhe qeveria e tij janë fatkeqësi për Kosovën. Një shumicë kritike pajtohet se është e nevojshme që sa më parë të dilet nga kjo gjendje. Njëra parti kërkon zgjedhje për të ndalur këtë të keqe që po i bëhet vendit, ndërsa partia tjetër është në kërkim të një rruge të re, po ashtu për të dalur nga kjo gjendje.
Ne si Aleancë kemi ofruar një model se si të dilet nga situata e krijuar, që është mocioni i mosbesimit ndaj qeverisë, si mjet mbase tash për tash i vetmi, për ta ndalur degradimin e mëtejshëm që po i bëhet vendit.
Në fakt edhe njëra edhe tjetra parti opozitare, po e kërkojnë të njëjtën gjë që e kemi kërkuar edhe ne, por nuk po e shohin mënyrën se si realizohet kjo!
Pyetja ime është, si shkohet në zgjedhje, ose si gjendet rruga e tretë për të dalë nga kjo gjendje?”, ka shkruar ndër të tjera Kurti.
