Disa zona të Podujevës do të përballen sot me ndërprerje të furnizimit me ujë të pijshëm për shkak të punimeve të domosdoshme në rrjetin e ujësjellësit.
KRU “Prishtina” ka njoftuar se punimet po zhvillohen në një gyp me diametër 400 milimetra, ndërsa ndërprerja e furnizimit ka nisur në orën 07:00 dhe pritet të zgjasë deri rreth orës 16:00, varësisht nga përfundimi i punimeve.
Sipas njoftimit, pa ujë do të mbesin këto zona:
Rruga “Radio Llapi”
Rruga “Ali Ajeti”
Rruga “Shakadin Behrami”
Pjesë të qytetit, veçanërisht zonat me lartësi më të madhe.
KRU “Prishtina” u ka bërë thirrje banorëve që të sigurojnë paraprakisht ujë të mjaftueshëm për nevojat e tyre gjatë kohës së ndërprerjes.
