Meriton Korenica ishte padyshim lojtari i ndeshjes ndaj Ludogoretsit, ku realizoi golin e parë dhe zhvilloi ndeshje perfekte. Ai pas ndeshjes tha se ishte shumë i lumtur me fitoren dhe angazhimin e ekipit.
“Është një ndjenjë e papërshkruar, kemi bërë më të mirën sot dhe jemi shpërbly me fitore. 50% e punës është kryer, por tani duhet përgatitur për ndeshjen tjetër. E njohim njëri tjetrin shumë mirë, veç me sy mu shiku i dimë lëvizjet tona, është merita e trajnerit me lëvizjet në fushë. Kundërshtari e ka të vështirë me na lexu lojën”, tha Korenica për SuperSportKosova.
Ai tha se golin ia dedikoi babait të tij që kishte një operacion të vështirë.
“Ne nuk kemi frikë nga asnjë skuadër, trajneri është i madh, sidomos në analiza, sepse e lexon mirë shumë kundërshtarin. Këtë gol ia dedikoj babait tim, sepse ka pas një operacion të vështirë – por e kaloi me sukses”, përfundoi ai.
