Para pak minutash ka filluar takimi mes kryetarit të Kuvendit të Kosovës, Glauk Konjufca me kryeministrin e Shqipërisë, Edi Rama.
Paraprakish, kryeministri shqiptar është pritur në takim nga presidentja, Vjosa Osmani. Ajo bëri të ditur se në këtë takim kanë diskutuar për proceset e ardhshme në agjendën ndërkombëtare.
Osmani theksoi se forcimi i bashkëpunimit mes të dyja shteteve, është në të mirë të qytetarëve, përcjell teve1.info
“Me Kryeministrin Edi Rama diskutuam sot proceset e ardhshme në agjendën ndërkombëtare, me fokus në Samitin e NATO-s dhe Samitin e Procesit të Berlinit. Forcimi i mëtejmë i bashkëpunimit në mes të dy shteteve tona është në të mirë të qytetarëve tanë dhe në të mirë të së ardhmes sonë të përbashkët euroatlantike”, ka shkruar ajo në Facebook.
Ndërsa në pritje të konfirmimit mbetet ende takimi me Kryeministrin Albin Kurti.