Dy të dyshuar meshkuj në Graçanicë e kanë goditur me veturën e tyre një mashkull tjetër po ashtu me veturë, duke i shkaktuar dëme të vogla materiale, raporton teve1.info
Sipas Policisë së Kosovës, të dyshuarit e kishin ftuar viktimën për marrëveshje për kompensim të dëmit, derisa gjatë bisedës, njëri nga të dyshuarit ia kishte vjedhur një pjesë të pazarit ditor viktimës, të cilat po i depononte në bankë.
Sipas raportit policor 24-orësh, njësitë relevante të Policisë kanë dalë në vendin e ngjarjes dhe kanë filluar me hetimin rastit, për të cilin është njoftuar edhe prokurori.
“Graqanicë 04.07.2023 – 15:30. Viktima mashkull kosovar ka raportuar se derisa kishte qenë duke shkuar në bankë për ti deponuar paratë e pazarit ditorë me veturën e tij, një veturë tjetër e kishte goditë mbrapa veturën e tij dhe i kishte shkaktuar dëme të vogla materiale. Në atë veturë kishin qenë dy persona dhe viktimës i kishin kërkuar të skajohet skaj rrugës dhe të bisedonin për kompensim dëmi. Viktima derisa kishte qenë duke biseduar me drejtuesin e asaj veture, tjetri person ja kishte hapë derën e veturës së viktimës dhe ja kishte vjedhur një shumë të parave në euro dhe më pas të dy personat ishin larguar me veturë në drejtim të panjohur. Njësitë relevante policore kanë dalë në vendin e ngjarjes dhe janë duke e hetuar rastin për të cilin është njoftuar edhe prokurori”, thueht në njoftimin e Policisë.
