Superylli i futbollit Neymar është gjobitur me mbi 3.3 milionë dollarë pasi shkeli rregullat lokale mjedisore gjatë renovimit në vilën e tij në qytetin Mangaratiba në periferi të Rio de Janeiros, raporton agjencia “AP”.
Komuna e Mangaratibas ka njoftuar të hënën mbrëma se ka dhënë katër gjoba, në vlerë totale 16 milionë realë brazilianë (3.32 milionë dollarë), pasi Neymari është akuzuar se ilegalisht ka ndërtuar një liqen artificial në pronën e tij.
“Ndër dhjetëra shkelje që u zbuluan në pronën e lojtarit, janë ndërtimi i paautorizuar që kërkon kontroll mjedisor; devijimi i rrjedhës së një lumi pa autorizim; lëvizjen e shkëmbit dhe rërës; shkatërrim i bimësisë pa autorizim dhe mosrespektim i një ndalese”, thuhet në deklaratë.
Pika e fundit thuhet se ka të bëjë me vendimin e Neymarit për t’u lartë në liqe artificial ndonëse autoritetet lokale ia ndaluan këtë, për shkak të pasojave mjedisore.
“Për shkak të kësaj futbollisti u gjobit sërish. Futbollisti ishte në vilë të premten dhe u fut në liqen, duke injoruar ndalesën nga sekretariati dhe nga policia lokale”, thuhet në dokumentin e Komnunës së Mangaratibas.
Kompania që ka ndërtuar liqenin artificial, Genesis Ecossistemas, kishte reklamuar punën në rrjete sociale. Liqeni është 1000 metra katrorë.