Zyrtari për informim i Lëvizjes Vetëvendosje, Arlind Manxhuka, ka reaguar rreth deklaratës së Shefit të Grupit Parlamentar të AAK-së, Besnik Tahiri, i cili i ka bërë thirrje Qeverisë që t’ia japë policisë shtesat e rrezikshmërisë pas vizitës së kryeministrit, Albin Kurti, në veri të vendit.
Përmes një postimi në Facebook, Manxhuka ka shkruar se opozita nuk ka reaguar lidhur me municionin që u kap nga Policia e Kosovës në Zveçan.
“Opozita nuk reagoi për veturën me targa të Beogradit ku kishte shumë armatim e municion që u kap nga PK në Zveçan. Ajo nuk reagoi as për sulmin me granatë dore ndaj objektit të Komunës së Mitrovicës së veriut. Por, opozita reagoi menjëherë pas vizitë së Kryeministrit Kurti në veri”, thuhet në postimin e Manxhukës.
