Kryeministri i Kosovës, Albin Kurti ka njoftuar se bashkë me ministrin e Brendshëm Xhelal Sveçla ka vizituar njësitet policore te Kroi i Vitakut.
Ai në Facebook tha se gjatë kësaj vizite i ka shërbyer policët me bakllavë e ëmbëlsira për festën e Kurban Bajramit, teksa ka shpërndarë edhe një video nga kjo vizitë.
Tutje Kurti ka theksuar se përgatitja e lartë e policëve eshtë garanci për zbatimin e ligjit dhe sigurinë publike për të gjithë qytetarët e Kosovës.
“Bakllava e ëmbëlsira për policët tanë në veri të vendit. Bashkë me Ministrin e Punëve të Brendshme, Xhelal Sveçla dhe zëvendësin e tij, Blerim Gashani, vizituam njësitet tona te Kroi i Vitakut. Përgatitja e lartë profesionale është garanci për zbatimin e ligjit dhe për sigurinë si e mirë publike që u ofrohet të gjithë qytetarëve pa dallim. Diskutimin e vazhduam edhe në qendrën “Belvedere””, ka shkruar ai./teve1.info./
