Skuadra e Liverpoolit po e sfidon Real Madridin për shërbimet e sulmuesit Kylian Mbappe, kanë njoftuar mediumet e huaja të martën. Mbappe pritet të largohet nga Parisi këtë verë, ndërsa Liverpooli po synon ta transferojë francezin para Real Madridit, ekip që ka kohë që ka shprehur interesim për shërbimet e tij.
Madje, thuhet se Liverpooli i ka bërë me dije Paris Saint-Germainit se është gati të shpenzojë mbi 200 milionë euro për kartonin e Mbappes, i cili ka kontratë deri në vitin e ardhshëm.
24-vjeçari javën e shkuar ka njoftuar Parisin se nuk do ta rinovojë kontratën dhe ekipi francez po kërkon blerës pasi nuk dëshiron ta humbë falas.
Ai është pjesë e Parisit prej vitit 2017 kur iu bashkua nga Monaco, ndërsa edicionin e fundit ishte i jashtëzakonshëm, me 41 gola të shënuar në 43 paraqitje.
