Ministria e Punëve të Brendshme e ka vlerësuar sulm terrorist ndaj institucioneve shtetërore, aktin e mbrëmshme ku është sulmuar objekti i komunës së Mitrovicës Veriore.
Sulmi sipas ministrisë është kryer me granatë dore të llojit M75.
“Mbrëmë në orët e vona, ndërtesa e Komunës së Mitrovicës së Veriut është sulmuar me mjet shpërthyes, që sipas ekspertizës dyshohet të jetë granatë dore e llojit M75. Nga ky akt kriminal, janë dëmtuar dhe dy vetura zyrtare që gjendeshin pranë objektit. Policia e Kosovës ka marrë masat e menjëhershme në investigimin e rastit dhe identifikimin e autorëve”, thuhet në regaimin e MPB-së, përcjell teve1.info
Sipas ministrisë sulmet e tilla duhet të dënohen nga të gjithë, dhe se janë tentativa të Serbisë për të eskalaur situatën në veri.
“Sulmet e vazhdueshme terroriste ndaj institucioneve të Republikës së Kosovës, duhet të përballen me reagim të ashpër nga të gjithë. Këto janë tentativa të njëpasnjëshme nga ana e Serbisë për të eskaluar situatën në veri të vendit. Ne mbesim vigjilent dhe të angazhuar për rend dhe siguri për të gjithë qytetarët pa dallim”, thuhet nga ministria.
Në orët e vona të mbrëmjes të së hënës, persona të dyshuar kanë sulmuar me mjet shpërthyes komunën në Mitrovicë të Veriut.