Policia e Kosovës ka njoftuar se në kuadër të planit operacional të Task Forcës, në zonën kufitare “Lindje”, në dy raste të ndara është bërë parandalimi i kontrabandimit me mallra.
Sipas njoftimit, në të dyja rastet janë ndaluar vetura me targa të Serbisë.
Bëhet e ditur se në veturën e parë janë gjetur dhe konfiskuar 35 arka dhe 25 shishe pije alkoolike, kurse tek vetura e dytë janë gjetur dhe sekuestruar 29 arka dhe 20 shije pije alkoolike.
“Me datën 27.06.2023 rreth orës 00:25 në hyrje të fshatit Pasjan është ndaluar vetura Mercedes me targa të Serbisë, e drejtuar nga i dyshuari M. S., si dhe vetura tjetër po ashtu Mercedes me targa të Serbisë e drejtuar nga i dyshuari Z. I. Gjatë kontrollit tek vetura e parë janë gjetur dhe janë konfiskuar 35 arka x 20 shishe pije alkoolike, kurse tek vetura e dytë gjatë kontrollit janë gjetur dhe janë konfiskuar gjithashtu 29 arka x 20 shishe pije alkoolike”, thuhet në njoftim.
Teksa në konsultim me prokurorin kujdestar, malli i konfiskuar është përcjellë në terminalin doganor, ndërkaq rasti vazhdon të hetohet nga njësiti kompetent./teve1.info./
