Pas konfirmimit të vdekjes së një fëmije 5-vjeçar nga vërshimet në Pejë, Policia e Kosovë ka njoftuar se është gjetur pa shenja jete edhe nëna e tij që ishte e zhdukur.
Drejtoria Rajonale e Policisë në Pejë ka njoftuar se më datë 25 qershor 2023, pas kërkimeve nga njësitet policore rreth orës 01:20, është viktima e dytë nga këto të reshura.
Fillimisht, nëna e fëmijës ishte raportuar si person i zhduku, përderisa pas gjetjes së saj, vdekjen e viktimës e ka konstatuar ekipi mjekësor.
Policia kishte kërkuar asistim edhe nga njësia për kërkim shpëtim e FSK-së të dalin në vendin e ngjarjes, për kërkimin e personit të zhdukur (nënës së 5-vjeçarit).
“Drejtoria Rajonale e Policisë Pejë, njofton se me datë 24.06.2023 si pasojë e vërshimeve në qytetin e Pejës, në lagjen “Asllan qeshme” një fëmijë ka humbur jetën ndërsa nëna e tij është e zhdukur. Pas kërkimeve nga njësitet Policore rreth orës 01:20, të datës 25.06.2023, është gjetur personi i zhdukur femër , vdekjen e viktimës e ka konstatuar ekipi mjekësor”, thuhet në komunikatën e Policisë së Kosovës.
Ndërkaq, përveç viktimave deri më tani janë lënduar edhe dy persona në lagjen “Fidanishte”, të cilët janë duke marrë tretman mjekësor./teve1.info/
Një fëmijë i vdekur në Pejë për shkak të përmbytjeve, dy të tjerë në intensivë
