Kampioni i Kosovës, Ballkani do të përballet me kampionin e Bullgarisë, Ludogoretsin në rundin e parë kualifikues të Champions League.
Të ekipi suharekas kanë pritur një short më të lehtë, pasi që ekipin bullagar e vlerësojnë si kundërshtarin më të vështirë i mundshëm prej të gjithëve të tjerëve që Ballkani ka mundur të përballet në rrethi e parë kualifikues. Mbrojtësi i krahut të djathtë, Armend Thaqi ka thënë për Tëvë1, beson në ekipin e tij për të dhënë më të mirën në këtë ndeshje.
“Një kundërshtar shumë i vështirë, sepse Ludogorets ishte nga ekipet më të forta që ishte në short dhe fati deshti që ne të përballemi me ta. Jemi në dijeni që e kemi shumë vështirë, mirëpo asnjëher nuk do të dorzohemi. Ne jemi gati të japim gjithçka nga vetja për tu paraqitur në mënyrën më të mirë”, tha Thaqi.
Ndeshjen e parë ndaj Ludogoretsit, Ballkani do ta luajë në Kosovë, ndërsa atë të kthimit në Bullgari. Ndeshjet e këtij rundi, do të zhvillohen më datat 11/12 korrik dhe 18/19 korrik.
Ballkanin edicionin e kaluar arriti të deporton deri në grupet e Conference League, por se a do të mund ta përsërisin prapë momentin historik, Thaqi shprehet se do të jetë e vështirë, por që do mundohen ta arrijnë.
“Kemi një pasqyrë shum të mirë të vitit të kaluar dhe një rruge se si kemi shku deri atje. Do të jetë shumë e vështirë të përsëritet, pasi që ka shumë faktor që ndikojnë rrugës, mirëpo jemi boshti kryesor i ekipës dhe do ta provojmë prapë që të arrijmë sa më lartë’, është shprehur Thaqi.
Skuadra e Ludogoretsit ka dominuar total në futbollin bullgar, pasi ka 12 tituj të fituar në histori të klubit dhe të gjithë i ka fituar në 12 edicionet e fundit. Po ashtu, ka të fituara edhe tri kupa të Bullgarisë dhe gjashtë Superkupa. Prej edicionit 2012/13 paraqitet në garat e UEFA-s, ndërsa në dy raste ka luajtur në fazën e grupeve të Championsit (2014/15 dhe 2015/16).
Në shtatë raste ka luajtur në fazën e grupeve të Ligës së Evropës, ndërsa në edicionin 2019/20 ka arritur deri në 1/16 e finales të kësaj gare.