Mehaj i ka shprehur mirënjohje Stern për shtetin e Izraelit për mbështetjen e Kosovë në fushën e sigurisë dhe mbrojtjes.
“Në kuadër të vizitës zyrtare në Izrael sot kam takuar Ministrin e Inteligjencës, Elazar Stern. Me këtë rast, e falënderova dhe shpreha mirënjohjen e thellë për shtetin e Izraelit për mbështetjen e vendit tonë në përgjithësi, si dhe gatishmërinë për mbështetje edhe në fushën e sigurisë dhe mbrojtjes. Me Ministrin Stern diskutuam për kërcënimet dhe rreziqet që cenojnë mjedisin aktual të sigurisë globale, si dhe përvojat e mbikëqyrjes së politikave që ndërlidhen me funksionimin e komponentës së inteligjencës shtetërore në mbështetje të sigurisë kombëtare”, ka shkruar ai në një postim në Facebook.
Mehaj thotë se me ministrin e Inteligjencës janë pajtuar për thellimin e bashkëpunimit në fushën e inteligjencës në mes Kosovës dhe Izraelit. /teve1.info/
