Ka vazhduar edhe sot vendimi i institucioneve për moslejimin e mallrave serbe në Kosovë. Derisa, serbët që hynë në pikën kufitare në Merdarë folën për këtë vendim.
Edhe të shtunën secili kamionë që përmban produkte të prodhuara në Serbi, nuk u lejuan të hyjnë në territorin e vendit tonë.
Derisa kamionët po ndalohen, për vetura nuk ka ndonjë ndalesë. Madje, të shtunën numri i atyre me targa serbe ishte i madh.
Përveçse kontrolli për secilën veturë me targa serbe është më i detajuar.
Arsyet e ardhjes së serbëve në Kosovë janë të ndryshme.
Një nga ta thotë se jeton në Vushtrri, por punon në Administratën e Komunës së Nishit.
Kalimi në pikën kufitare për të është i përditshëm, dhe shton se edhe në këtë kohë nuk ka ndonjë problem me institucionet kosovare.
“Jam nga Vushtrria. Aty jetoj, por punoj në Komunën e Nishit. Çdo ditë udhëtoj nga Vushtrria për në Nish. Nuk kam pasur asnjëherë problem me policët apo doganierët këtu dhe vazhdoj njësoj. Edhe tani sillen shumë mirë dhe e kryejnë punën e tyre”.
Ndërsa, një serb thotë se po shkon në Rahovec për të spërkatur disa vreshta të mbjella me rrush.
“Po shkoj në Rahovec, për të spërkatur vreshta të rrushit. Vi shpesh në Kosovë, ose të për blerë produkte bujqësore nëpër barnatore ose për punë të tjera të këtij lloji”.
Nga e mërkura, institucionet vendore morën vendim që produktet e Serbisë të mos lejohen në Kosovë. Kjo për shkak të kidnapimit të tre policëve të Kosovës nga Serbia.
Kronika e realizuar nga gazetari Arton Rama