Misioni i NATO-s në Kosovë, KFOR-i ka reaguar ndaj kritikave për mos-ofrim të sigurisë së gazetarëve në veri të Mitrovicës të cilët po sulmohen nga protestues serbë të maskuar.
Në një komunikatë të lëshuar të shtunën, KFRO-i ka thënë se dënon sulmet ndaj ekipeve të medieve , ndërsa ka thënë se ata janë reaguesi i tretë dhe se Policia e Kosovës është përgjegjëse për sundim të ligjit.
“Liria e shtypit dhe liria e shprehjes janë vlera themelore të cilat duhet të respektohen nga të gjithë. Ne u bëjmë thirrje të gjitha palëve që të përmbahen nga dhuna ose veprimet e mëtejshme që mund të çojnë në përshkallëzim të mëtejshëm dhe të sigurojnë që mediat të mund të kryejnë punën e tyre themelore në mënyrë të sigurt”, thuhet në komunikatë.
Tutje, thuhet se komandanti i KFOR-it është në kontakt të rregullt me të gjithë homologët e tij kryesorë, përfshirë përfaqësuesit e institucioneve dhe organizatave të sigurisë në Kosovë, si dhe me përfaqësues të Forcave të Armatosura të Serbisë, Misionit të BE-së për Sundimin e Ligjit (EULEX), OSBE-së dhe komunitetit diplomatik.
Vetëm të premten janë shënuar 9 raste të sulmeve ndaj gazetarëve e kameramanëve në Leposaviq.
Këto akte janë dënuar nga Qeveria e Kosovës por dhe nga BE e SHBA. Ndërsa, që AGK duke dënuar sulmet ndaj gazetarëve ka përsëritu kërkesën ndaj
institucioneve si KFOR-it dhe PK-së të ofrojë kushte për raportim për ekipet mediale.
Nga sulmet e protestuesve serbë nuk janë kursyer as KFOR-i e Policia e Kosovës. 30 ushtarë të KFOR-it kanë pësuar lëndime nga përleshja me protestuesit serbë më 29 maj në Zveçan, ndërsa edhe dhjetara Policë të Kosovës kanë pësuar lëndime.
#KFOR strongly condemns attacks on journalists in northern Kosovo as they exercised their profession. Freedom of the press and freedom of expression are fundamental values which must be respected by all. pic.twitter.com/FOkQfJUUA5
— NATO Kosovo Force – KFOR (@NATO_KFOR) June 17, 2023
