Kryeministri i Kosovës, Albin Kurti, është takuar me presidentin e Kroacisë, Zoran Milanović, teksa dytë po marrin pjesë në Forumin e Prespës.
Bëhet e ditur se në takim u bisedua edhe për zhvillimet e fundit në veri të Kosovës
Teksa Kurti ka theksuar se sjelljet e Serbisë duhet të dënohen nga faktori ndërkombëtar.
“U fol edhe për zhvillimet në vend, situatën pas zgjedhjeve të 23 prillit dhe për veprimin agresor të Serbisë vetëm disa ditë më parë ndaj Kosovës. Kryeministri Kurti tha se Serbia ka shkelur sovranitetin dhe integritetin territorial të Republikës së Kosovës, kur nga brendia e territorit të Kosovës ka rrëmbyer tre policë të Kosovës. Ai tha se një sjellje e tillë e Serbisë, që për më tepër vjen në momentin kur depërshkallëzimi i situatës në veri të vendit është synim i përbashkët, duhet të dënohet nga i gjithë faktori ndërkombëtar dhe të bëhet thirrje nga të gjithë që tre policët që po mbahen padrejtësisht në Serbi, duhet të lirohen menjëherë dhe pa kushte”, thuhet në komunikatë.
“Kryeministri Kurti falënderoi presidentin Milanović për përkrahjen e vazhdueshme që Kroacia i ka dhënë shtetit të Kosovës, si një kontribuues i rëndësishëm i paqes dhe sigurisë rajonale, dhe për mbështetjen e fuqishme në arenën ndërkombëtare”, thuhet tutje./teve1.info./
