Një qytetar në Vushtrri ka gjetur një kuletë me dokumente personale dhe një shumë parash, të cilën më pas e ka dorëzuar në Polici, me qëllim që t’i kthehet pronarit të ligjshëm.
Sipas njoftimit të Policisë, pas verifikimit të dokumentacionit dhe përfundimit të procedurave përkatëse, kuleta, dokumentet personale dhe paratë i janë kthyer pronarit.
Policia e ka vlerësuar veprimin e qytetarit si shembull pozitiv dhe e ka falënderuar për korrektësinë dhe përgjegjësinë e treguar.
“Shembull i mirë i një qytetari në Vushtrri, i cili, pasi ka gjetur një kuletë me dokumente personale dhe një shumë parash, të njëjtat i ka dorëzuar në Polici, me qëllim që t’i kthehen pronarit të ligjshëm. Pas verifikimit të dokumentacionit dhe procedurave përkatëse, kuleta, dokumentet dhe paratë i janë kthyer pronarit. Policia falënderon qytetarin për veprimin e tij shembullor”, thuhet në njoftim.
