Kryeministri i Kosovës Albin Kurti, në Kuvendin e Kosovës ka deklaruar se nuk është kundër largimit të kryetarëve të rinj në komunat veriore por sipas tij, kjo mund të bëhet vetëm me anë të zgjedhjeve të reja.
“Natyrisht që kur kërkohet largimi i kryetarëve të komunave nga zyret e tyre kjo bëhet pikërisht me zgjedhje të reja, ne nuk jemi kundër largimit të tyre, por jemi kundër largimit pa zgjedhje. Pas zgjedhjeve të reja lokale me siguri që do të fitojnë kryetarë të tjerë, nëse pjesëmarrja do të jetë e lartë nuk ka kurfarë dyshimi që nuk do të jenë këta kryetarë, por do të jenë disa kryetarë të tjerë”, tha Kurti.
Derisa theksoi se ka qenë i gatshëm të pranojë listën serbe si garuese në zgjedhjet lokale, por sipas tij, ajo bojkotoi zgjedhjet.
“Unë kam qenë i gatshëm pavarësisht çfarë kanë bërë kundër Kosovës e Qeverisë, që ti pranojmë, të garojmë, në zgjedhjet lokale në katër komunat në veri Listen Serbe ajo refuzoi. Pas bojkotit të saj dhe thirrjeve të saj për bojkot, sinqerisht kam besuar se me datën 23 prill në mbrëmje fituesit në katër komunat në veri do të jenë kësisoj”, tha Kurti./teve1.info./
