Shefi i Grupit Parlamentar të AAK-së, Besnik Tahiri ka thënë se Qeveria dhe shteti i Kosovës është në një situatë të vështirë.
Tahiri në Kuvend ka theksuar se Kosova në situatën ne të cilën gjendet ka nevojë për një kryeminsitër, e jo për martirizim e viktimizim.
“Kosova nuk ka nevojë për martirizim as për viktimizim, as për me qajtë hall. Kosova ka nevojë për një lider, për një kryeministër i cili me vendosshmëri, me maturi, e me urtësi, e në partneritet me ata që na kanë ndihmu të fitojmë lirinë dhe pavarësinë, me ekzistu si vend e si komb, i gjunë. A e kupton që se kemi për inati, a mendon që ne nuk e dimë qysh duhet me fol që me konë krejt me ty, me i marrë flamurat dhe me ecë me ty. Ne e dimë që populli të don qashtu, por je në rrugë të gabuar. E ke shti Kosovën në rrugë të gabuar dhe duhesh me gjet mënyrën me dalë prej kësaj rruge”, tha ai.
Tutje ai tha se sa i përket raportit me Serbinë dhe veçanërisht rastit të djeshëm të kidnapimit të tre policëve kufitarë nga ana e Serbisë, pozitë e opozitë janë bashkë, pra siç tha ai, jemi një.
“Jemi në një situatë të vështirë si shtet. Pra me thënë troç rreth kësaj teme ne jemi një, jemi bashkë pozitë dhe opozitë. Ke bë shumë mirë qe ke shku te familjet e policëve, e bënë edhe më mirë me fol me brigadën e Fejsbukut e rrjeteve sociale me i ndalë komentet dhe fyerjet e koponentëve të partisë tënde drejt këtyre policëve. Pra pres një reagim dhe një distancim nga njerëzit që kanë folur këtë temë”, tha ai./teve1.info./
