Ministri i Punëve të Brendshme të Kosovës, Xhalal Sveçla ka thënë se Milun Milenkoviq i njohur si Llune i arrestuar për sulme ndaj KFOR-it dhe Policisë së Kosovës në veri të vendit është kriminel dhe do të përballet me drejtësinë.
Ai këtë e deklaratë e ka bërë si reagim ndaj Petar Petkoviq drejtor i të ashtuquajturës zyre për Kosovën në Qeverinë e Serbisë, cili tha se Llune nuk ka kryer krime.
“Serbia ka rrëmbyer 3 policë të Kosovës si hakmarrje për arrestimin e kriminelit Llune. Ne arrestojmë kriminelët, ata rrëmbejnë policët. Llune është një autor sistematik i dhunës që do të përballet me drejtësinë. Të dhënat e tij tregojnë krime të kryera me urdhër nga Beogradi”, ka shkruar Sveçla në Twitter.
Milun Milenkoviq është arrestuar nga veri të Mitrovicës të martën nga Njësia Speciale e Kosovës.Ai dyshohet se ka qenë organizatori kryesor ndaj sulmeve të KFOR-it dhe Policisë së Kosovës në veri të Mitrovicës.
Ndaj tij Gjykata Themelore në Prishtinë ka caktuar një muaj paraburgim./teve1.info/
Serbia abducted 3 police officers of 🇽🇰 as an act of revenge for the arrest of the criminal Llune. We arrest criminals, they abduct police officers.
Llune is a systematic perpetrator of violence who will face justice. His records show crimes committed w/orders from Belgrade. pic.twitter.com/3Ym6qFJhbT
— Xhelal Sveçla (@XSvecla) June 15, 2023
