Komisioni Disiplinor i Federatës së Futbollit të Kosovës e ka gjobitur FC Prishtinën me 1000 euro të mërkurën, për shkak të tifozëve të saj.
Sipas njoftimit të KD të FFK-së, tifozët e FC Prishtinës kanë hedhur mjete piroteknike disa herë në finalen e Kupës së Kosovës ndërmjet Gjilanit dhe Prishtinës.
“Në minutën e 17-të të ndeshjes, simpatizuesit e FC Prishtina hodhën mjete piroteknike tymuese në fushën e lojës dhe prapa portës në anën jugore, për çka ishte ndërprerë ndeshja për rreth dy minuta, ndërkaq në minutat 37, 38, 66 dhe 69, hodhën mjete piroteknike shurdhuese prapa portës”, shkruhet ndër të tjera në njoftimin e FFK-së të mërkurën.
