Shtatë persona kanë pësuar lëndime trupore si pasojë e aksidentit që ka ndodhur mes dy automjeteve, mbrëmë në rrugën nacionale Prishtinë – Mitrovicë.
Të lënduarit shkaku i plagëve të marra janë dërguar në Spitalin e Mitrovicës, ku njëri prej tyre është dërguar në QKUK, pasi që ka marrë lëndime serioze.
Lidhur me këtë aksident, Policia e Kosovës thotë se është njoftuar prokurori dhe rasti është në procedura hetimore.
“AKSIDENT TRAFIKU Rr. Nacionale Prishtinë –Mitrovicë 09.06.2023-22:33. Raportohet për një aksident trafiku në mes dy automjeteve me drejtues meshkuj kosovarë. Përveç dëmeve materiale lëndime trupore kanë pësuar shtatë persona (pesë meshkuj dhe dy femra) të cilët kanë pranuar tretman mjekësor në spitalin e Mitrovicës, njëri prej tyre është dërguar në QKUK (me lëndime serioze). Është njoftuar prokurori, rasti në procedurë hetimore”, thuhet në njoftimin e Policisë. /teve1.info/
