Kryeministri i Kosovës, Albin Kurti ka thënë se më 29 maj grupet e dhunshme ekstreme në veri të Kosovës kanë sulmuar ushtarët e KFOR-it me granta dore dhe bomba shokuese të prodhuara dhe të sjella nga Serbia.
Ai përmes një postimi në Tëitter ka përmendur edhe llojet e këtyre armëve.
“Grupet e dhunshme ekstremiste dhe kriminale në 3 komunat veriore më 29 maj përdorën granata dore SRB (Slavko Rudojić Bugojno) M75 dhe bomba shokuese RŠB (Ručna Šok Bomba) P98, të dyja të prodhuara dhe të sjella nga Serbia, duke plagosur dhjetëra ushtarë dhe policë të NATO-s dhe gazetarët”, ka shkruar Kurti në Twitter.
Mbi 30 ushtarë të KFOR-it ishin lënduar nga përleshja me protestuesit serbë në veri, ku tre prej tyre kanë qenë në gjendje më të rëndë. Disa ushtarë italianë që shërbejnë në kuadër të KFOR-it janë dërguar për mjekim në Itali.
