Ish-kryeministri i Kosovës, Isa Mustafa ka fajësuar diplomatë të vendeve të huaja për shkak se sipas tij ata e sollën Albin Kurtit në pushtet.
Mustafa thotë se në vitin 2020 LDK kishte prishur koalicionin me Kurtin për të evituar konfrontimin e Kosovës me ShBA-në.
“LDK në vitin 2020 prishi koalicionin me VV-në për të evituar konfrontimin e Kosovës me SHBA-të. E pagoi çmimin më të shtrenjtë me rreth 100 mijë vota! Por në atë kohë VV-në e përkrahnin diplomatët e SHBA-së, Gjermanisë, Francës, Mbretërisë së Bashkuar, raportuesja e Kosovës në Parlamentin Evropian e…. E sollën vet në pushtet së bashku me analfabetët funksional”, ka shkruar Mustafa.
Mustafa thotë se sot frikësohet që çmimin e prishjes së relacioneve me SHBA-të dhe BE-në, nuk do ta paguajë VV me Kurtin dhe Osmanin, por do ta paguajë e gjithë Kosova.
“Ngushëllimi i vetëm më mbetet se Lidhja Demokratike e Kosovës e kishte vlerësuar drejtë rrezikun dhe vepruam mirë në interes të Kosovës”, ka shkruar Mustafa.
