Policia e Kosovës ka arrestuar tri persona në Gjilan të dyshuar për kryerjen e veprës penale ‘Posedim e shitje e paautorizuar e narkotikëve’.
Organet e rendit gjatë bastisjes në tri lokacione kanë konfiskuar drogë të tipit kokainë, para e vetura.
“Janë arrestuar katër të dyshuar meshkuj kosovarë, nën dyshimin se të njëjtit kanë kryer veprën e cekur. Njësitet policore gjatë bastisjes në tri lokacione në cilësi të provave materiale kanë konfiskuar: 102 gramë substancë të dyshuar narkotike të llojit kokainë, para të gatshme 2270 €, 30-franga zvicerane, dhe dy vetura. Në konsultim me prokurorin, të dyshuarit pas intervistimit janë dërguar në mbajtje. Rasti në procedurë hetimore”, thuhet në njoftimin e PK-së.