Tenistit serb Novak Gjokoviq për thirrjet nacionaliste “Kosova është zemra e Serbisë” i bashkohet edhe bashkëkombësja e tij, Kristina Mladenoviq. Edhe tenistja serbe Mladenoviq e ka thënë të njëjtin mesazh.
Nëntë herë kampionia e Grand Slameve “Australian Open”, “Franch Open”, “Wimbledon” dhe “US Open” ka thënë se ndan mendimin e njëjtë me të Gjokoviqit. “Po e ndaj qëndrimin e Novakut, Kosova është zemra e Serbisë edhe për mua.
Babai im është nga Gjilani, gjyshja më ka jetuar aty dhe unë kam qenë atje kur isha fëmijë”, ka thënë Mladenoviq për “telegraf.rs” të hënën.
Mladenoviq u lind në Francë, kurse babai i saj Dragan Mladenoviq ka qenë hendbollist në ish-Jugosllavi. Kjo nuk është hera e parë që sportistë serb dalin me mesazhe që janë kundër Kosovës.
