Deputeti i LDK-së, Avdullah Hoti I ka reaguar ministrit të Bujqësisë, Faton Peci, i cili paraprakisht e quajti atë ‘analfabet’.
Hoti ka shkruar se Peci është një “inspektor i lokaleve për pirje të duhanit” teksa mandatin e ka marrë për zhvillimin e Bujqësisë.
“Po shkon edhe viti i tretë i qeverisjes dhe asnjë shenjë nuk ka në bujqësi nga puna e tij. E ftoj z. Peci të nis të punoj diçka se i shkoi mandati”, ka shkruar Hoti.
Tutje ish-kryeministri ka shkruar se Peci është bërë argat i atij që çdo ditë po e dëmton shtetin e Kosovës.
“E shan çdo ditë shtëpinë e mëparshme politike të tij , por nuk guxon të thotë një fjalë për përjashtimin e Kosovës nga ‘Defender 2023’”, ka shkruar Hoti.
