Në Ditën Botërore të Mjedisit FSK, ekipet e KFOR-it, dhe organizatat e tjera kanë pastruar mbi 60 milionë metra katror tokë.
Sipas njoftimit që nga viti 1999 në Kosovë janë deminuar mbi 95,000 mina dhe mjete të tjera eksplozive të pashpërthyera.
“Teksa sot shënohet Dita Botërore e Mjedisit, duhet theksuar faktin se që nga viti 1999 me përkushtimin e deminerëve tanë të guximshëm, në bashkëpunim me ekipet e KFOR-it dhe organizatat e tjera të involvuara janë pastruar mbi 60 milionë metra katror tokë, duke bërë largimin e mbi 95,000 minave dhe mjeteve të tjera eksplozive të pashpërthyera.Këto rezultate janë indikator i punës së shkëlqyer të kryer nga ekipet e FSK-së të Qendrës Ndërkombëtare të Kërkim-Shpëtimit dhe organizatat tjera deminuese, falë punës së tyre janë shpëtuar shumë jetë njerëzish dhe njëkohësisht është kthyer një numër i madh i tokave për shfrytëzim nga komunitetet”, thuhet në njoftim.
Tutje theksohet se Ministria e Mbrojtjes mbetet e përkushtuar në ngritjen e kapaciteteve për të vazhduar pastrimin e të gjitha zonave të afektuara nga minat dhe mjetet e tjera eksplozive./teve1.info./