Të dielën pas mesnate, në fshatin Dardhishtë në Obiliq është arrestuar një person, pasi që të njëjtit policia i ka sekuestruar dy qese të vogla me substancë narkotike.
“Është arrestuar i dyshuari mashkull kosovar, pasi që te i njëjti janë gjetur në posedim dhe sekuestruar dy qese të vogla me substancë të dyshuar narkotike të llojit marihuanë, një mulli dhe një thikë. Me vendim të prokurorit, i dyshuari lirohet në procedurë të rregullt” thuhet në njoftimin e policisë.
Edhe në rrugën Murat Mehmeti, në Prishtinë të dielën rreth orës 20:15 policia ka arrestuar një person të cilit i ka konfiskuar 112 gramë substancë narkotike, raporton teve1.info
“Është arrestuar i dyshuari mashkull kosovar pasi që gjatë kontrollit te i njëjti janë gjetur në posedim dhe konfiskuar 112 gramë substancë të dyshuar narkotike të llojit marihuanë . Me vendim të prokurorit, i dyshuari pas intervistimit është dërguar në mbajtje”, ka bërë të ditur policia.
Një personit tjetër në Prishtinë, policia gjatë kontrollit të veturës i ka gjetur dhe konfiskuar një qese me substancë narkotike.
“Është arrestuar i dyshuari mashkull kosovar pasi gjatë kontrollit në veturë i është gjetur dhe konfiskuar një qese me substancë të dyshuar narkotike e llojit marihuanë në peshë 10.7 gramë. Me vendim të prokurorit, i dyshuari pas intervistimit është liruar në procedurë të rregullt”, thuhet në njoftim.
Ndërsa në rrugën Lidhja e Pejes, në Prishtinë policia gjatë kontrollit një personit i ka konfiskuar dy qese dhe një cigare marihuanë. I dyshuari është arrestuar e pas intervistimit është liruar, raporton teve1.info
“Është arrestuar i dyshuari mashkull kosovar pasi gjatë kontrollit te i njëjti janë gjetur dhe konfiskuar dy qese e një cigare substancë e dyshuar narkotike e llojit marihuanë në peshë 3 gramë. Me vendim të prokurorit, i dyshuari pas intervistimit është liruar në procedurë të rregullt”.
E në rrugën Agim Ramadani në Prishtinë, policia në veturën e të dyshuarit ka gjetur e konfiskuar një qese substancë e dyshuar narkotike.
“Është arrestuar i dyshuari mashkull kosovar pasi është ndaluar me veturën të cilën ishte duke e drejtuar dhe gjatë kontrollit në veturë i është gjetur dhe konfiskuar një qese substancë e dyshuar narkotike e llojit marihuanë në peshë 1.9 gramë. Me vendim të prokurorit, i dyshuari pas intervistimit është liruar në procedurë të rregullt”, është bërë e ditur në raportin 24 orësh.
Ndërsa, në Fushë Kosovë, të dielën në orën 23:55 është arrestuar një i dyshuar pasi në njëjtit i janë gjetur e konfiskuar 1.2 substancë e dyshuar narkotike.
“Është arrestuar i dyshuari mashkull kosovar pasi gjatë kontrollit te i njëjti janë gjetur në posedim dhe konfiskuar 1.2 gr substancë e dyshuar narkotike e llojit marihuanë. Me urdhër të prokurorit i dyshuari është liruar, rasti vazhdon në procedurë të rregullt”, ka bërë të ditur policia./teve1.info
